संसद् विघटनले नेप्सेमा पहिरो, झण्डै १०० अंकको गिरावट

काठमाडौं । कारोबारको पहिलो दिन आइतबार नेप्से परिसूचक ९६ दशमलव ८८ अंकले घट्दै १९ सय ३५ दशमलव ६४ अंकमा ओर्लिएको छ । नेप्से ४ दशमलव ७७ प्रतिशतले तल झरेको हो ।

पछिल्लो अप्रत्यासित राजनैतिक घटनाले शेयर बजारमा भारी गिरावट आएको नेप्सेका कार्यकारी निर्देशक चन्द्रसिंह साउदले बताए । ‘नेप्से एकैदिन करीब ९७ अङ्कले तल झर्नुमा अन्य कुनै कारण नभइ आज भएको राजनैतिक घटनाक्रम नै हो,’ लगानीकर्ताको मनोबल कमजोर हुँदा त्यसको असर नेप्सेमा प्रत्यक्ष पर्‍ यो,नेप्से घट्नुमा अन्य कुनै कारण छैन,’ उनले भने ।

नेप्सेमा भारी गिरावट आएपनि कारोबार रकम भने बढोत्तरी भएको छ । आज भएको १४ करोड ३ लाख १५ हजार ७९६ कित्ताको कारोबारमा आठ अर्ब ९० करोड ४७ लाख २२ हजार ९५४ रकमको टर्नओभर भएको छ ।

सबैभन्दा धेरै नेपाल लाइफ इन्स्योरेन्स कम्पनी लिमिटेड (एनएलआईसी) को १ अर्ब ५७ करोड ४७ लाख २ हजार ७६ रुपैयाँ बराबरको कारोबार भएको छ ।