दुईपटक शिलान्यास गरेको पुल १० वर्षमा पनि बनेन
२०७७ मंसिर २८ गते १७:३१
कालीकोट। कालीकोटमा दुई पटक शिलान्यास गरिएको एक पुल अलपत्र परेको छ।
कर्णाली करिडोरअन्तर्गत खुलालुमा १० वर्षअघि नेपाली कांग्रेसका नेता रामचन्द्र पौडेल र २०७१ सालमा तत्कालीन भौतिक पूर्वाधारमन्त्री विमलेन्द्र निधिले शिलान्यास गरेको पुलको निर्माण अहिलेसम्म हुन सकेको छैन ।
झण्डै १४ करोड लागतको यो पक्की पुल एक वर्षभित्र निर्माण सम्पन्न गर्ने गरी २०६७ सालमा निर्माण कम्पनी कन्काई नेपाल प्रगति जेभीसँग सम्झौता गरिएको थियो।
सुर्खेत सडक डिभिजनले ठेक्का लगाएर निर्माणको काम हेर्न हाल जुम्ला सडक डिभिजन कार्यालय कर्णालीलाई जिम्मेवारी हस्तान्तरण गरिसकिएको छ।
ठेकेदार कम्पनीले लामो समय काम नगरेपछि पटकपटक ताकेता गरिएको कर्णाली सडक डिभिजन कार्यालय जुम्लाले जनाएको छ ।
प्रकाशित: २०७७ मंसिर २८ गते १७:३१
प्रतिक्रिया
सम्बन्धित खवर
