अध्यादेश खारेज गर्न अर्को अध्यादेश, मन्त्रिपरिषद् बैठक बस्दै

काठमाडौं । राष्ट्रपतिद्वारा जारी संवैधानिक परिषदसम्बन्धी अध्यादेश खारेज गर्नका लागि फेरि अर्को अध्यादेश ल्याउनुपर्ने कानुनी प्रावधान छ । जसका लागि आजै साँझ ६ बजे मन्त्रिपरिषद् बैठक डाकिएको एक मन्त्रीले जानकारी दिए ।

बुधबार बसेको नेकपा स्थायी कमिटी बैठकले राष्ट्रपतिबाट जारी भइसकेको उक्त अध्यादेश फिर्ता लिने निर्णय गरेको थियो ।

पुरानै कानुन ब्युँताउनका लागि अर्को अध्यादेश ल्याउन मन्त्रीपरिषद् बैठक बस्नुपर्ने संवैधानिक प्राबधान छ ।

प्रधानमन्त्री ओलीले बिहानैदेखि नेकपा नेताहरु ईश्वर पोखरेल, महासचिव विष्णु पौडेल, सुवास नेम्वाङलगायत नेताहरुसँग परामर्श गरिरहेका छन् । नेकपा अध्यक्षसमेत रहेका ओलीले आजै अर्का अध्यक्ष प्रचण्डसँग पनि छलफल गरेर मन्त्रिपरिषद् बैठक बोलाएका हुन् ।