१२ हजारभन्दा बढीको कोरोना बीमा दावी भुक्तानी

काठमाडौं । नेपालका निर्जीवन इन्स्योरेन्स कम्पनीमा कोरोना बीमाका लागि २३ हजार ५६ ओटा दावी परेको छ । जसमा अहिलेसम्म १२ हजार १९३ ओटा बीमा दावी भुक्तानी भएको बीमा समितिले बताएको छ ।

समितिका अनुसार दावी भुक्तानीका लागि प्रक्रिया पूरा गरेको संख्या २ हजार १११ ओटा रहेका छ । त्यसैगरी नेपाल सरकारको स्वास्थ्य तथा जनसख्या मन्त्रालय मातहतमा रहेको इडिसीडिमार्फत भरिफिकेशनका लागि २ हजार ५५४ बीमा दावी पुगेकोे छ ।

यस्तै समितिबाट एक हजार ११ ओटा दावी इडिसीडिमा पठाउन तयारी भएको छ । एक हजार ५७१ दावी कागजात पूरा नभएकाले कम्पनीमा फिर्ता आएको छ ।

भेरिफिकेशनका लागि ३ हजार ५६६ ओटा बीमा दावी तयारी अवस्थामा रहेको समितिले जानकारी दिएको छ । पछिल्लो समय कोरोनाको दावी भुक्तानीमा ढिलाइभएपछि जनमानसमा गुनासो बढेको छ ।