अमेरिकाको बिदेश र रक्षा संयन्त्र साइवर आक्रमणको मुख्य निशाना

एजेन्सी । अमेरिकी सरकारी संयन्त्रको ठूलो हिस्सा ह्याकिङको खतरामा रहेको पहिचान गर्ने एउटा साइवर सुरक्षा एजेन्सीले करिव ५० संस्थाहरु तत्कालका लागि असुरक्षित रहेको बताएको छ ।

साइवर सुरक्षा एजेन्सी फायरआईका सीईओ केभिन मान्डियाका अनुसार ह्याकरहरुले १८ हजार संस्थाको नेटवर्क आक्रमण गर्ने प्रयास गरेका थिए त्यसमध्ये ५० वटा संस्थाको नेटवर्कलाई बढी असर पारिएको छ ।

अमेरिकाको आन्तरिक सुरक्षा, परराष्ट्र र रक्षा बिभागलाई बढी लक्षित गरिएको छ । अमेरिकी बिदेशमन्त्री माइक पोम्पिओले यो ह्याकका लागि रुसमाथि आरोप लगाएका छन् ।

राष्ट्रपति डोनाल्ड ट्रम्पले शनिबार दुई ट्वीट गर्दै रुसमो भूमिकामा शंका गरेका थिए भने चीनको संग्लग्नताको पनि संकेत दिएका थिए ।

मान्डियाले सीबीएस न्युजसँग कुरा गर्दै भनेका छन्, ‘साइबर आक्रमण निकै नै चलाखीपूर्ण र योजनाबद्ध तरिकाले सुरु गरिएको छ । र रुसी बिदेशी जासुस संयन्त्रको काम गर्ने तरिकाबारे अमेरिकी अधिकारीहरु नै बताउन सक्छन् ।’