जसपाको कार्यकारिणी बैठक बस्दै

काठमाडौं । संसद विघटनपश्चातको राजनीतिक घटनाक्रमबारे छलफल गर्न जनता समाजवादी पार्टी (जसपा) को कार्यकारिणी बैठक आज बस्दैछ ।

एक बजेपछि बबरमहलस्थित जसपा केन्द्रीय कार्यालयमा बैठक सुरु हुनेछ । जसपा नेता केशव झाका अनुसार बैठकले सरकारविरुद्ध संघर्ष गर्ने लगायतका विषयमा निर्णय लिने छ ।

जसपाका अध्यक्षद्वय उपेन्द्र यादव र महन्थ ठाकुरले यसअघि नै विज्ञप्ती जारी गरेर संसद विघटनको विरुद्धमा प्रतिवाद गर्ने जनाएका थिए ।