सुखीपुर नगरपालिका कार्यालयमा बम भेटियो

जनकपुरधाम । सिरहाको सुखीपुर नगरपालिकाको कार्यालयमा कुकर बम फेला परेको छ । आज बिहान कार्यालय खोलेर सरसफाई गर्ने क्रममा बम फेला परेको हो । प्रमुख प्रशासकीय अधिकृतको कार्यकक्ष अगाडि कालो ब्यागमा बम फेला परेको प्रहरीले जनाएको छ ।

प्रहरीले अहिले त्यहाँ कसैलाई जान दिएका छैन । बम डिस्पोज गर्न नेपाली सेनाको टोली पुगेको स्थानीयले जानकारी दिए । बम भेटेपछि कार्यालयको कामकाज ठप्प छ ।

बम कसले राखेको विषयमा अहिले खुल्न नसकेको प्रहरीले जनाएको छ ।