कांग्रेस केन्द्रीय समिति बैठक भोलि १ बजे बस्ने गरी सकियो

काठमाडौं । कांग्रेस केन्द्रीय समिति बैठक भोलि पुन: १ बजे बस्ने गरी सकिएको छ ।

संसद विघटन भएपछि मंगलबार पार्टी कार्यालय सानेपामा सुरु भएको बैठकमा आज सम्बोधन गर्दै सभापति शेरबहादुर देउवाले अहिलेको स्थितिमा पार्टी संयमित हुँदै जिम्मेवार ढंगमा प्रस्तुत हुने बताएका छन् ।

त्यस्तै बैठकमा कांग्रेस वरिष्ठ नेता रामचन्द्र पौडेलले समसामयिक विषयमा धारणा राखेका थिए ।

यस्तै कांग्रेस प्रवक्ता विश्वप्रकाश शर्माले निर्वाचन मात्रै नभइ दलीय फाइदाभन्दा माथि उठेर संविधान र परिवर्तन जोगाउने गरी कांग्रेसले उपयुक्त निर्णय लिने प्रतिक्रिया दिए ।

बैठकमा सबै सदस्यले धारणा राख्ने कार्यसूची छ । बैठक केही दिन लम्बिने  बताइएको छ ।