झारफुक गर्ने बहानामा जबरजस्तीकरणी गरेको आरोपमा धामी पक्राउ

काठमाडौं । ३९ वर्षीया महिलालाई जबरजस्ती करणी गरेको आरोपमा शंखरापुर नगरपालिका ६ सलम्बुटारबाट एक जना पक्राउ परेका छन् ।

पक्राउ पर्नेमा सिन्धुपाल्चोक मेलम्ची नगरपालिका – २ हैबुङ घर भई शंखरापुर नगरपालिका – ६ सलम्बुटार बस्ने ४६ वर्षीय भीमबहादुर सुनारलाई बुधबार दिउँसो प्रहरीले पक्राउ गरेको हो।

भीमले ती महिलालाई झारफुक गर्ने बहानामा बोलाई सलम्बुटारस्थित टहरोमा जबरजस्ती करणी गरेको उजुरी परेको थियो । महानगरीय प्रहरी प्रभाग साँखुबाट खटिएको प्रहरीले उनलाई पक्राउ गरेको हो । प्रहरीले थप अनुसन्धान गरिरहेको छ ।