पुस १३ गते १६५ निर्वाचन क्षेत्रमा कांग्रेसको विरोध प्रदर्शन

काठमाडौं । प्रमुख विपक्षी दल नेपाली कांग्रेसले पुस १३ गते १६५ वटै संघीय निर्वाचन क्षेत्रमा सरकारको असंवैधानिक कदमविरुद्ध विरोध कार्यक्रम गर्ने भएको छ ।

आजको केन्द्रीय कार्य समिति बैठकले सरकारको सिफारिसमा भएको प्रतिनिधिसभा विघटनको असंवैधानिक एवम् अलोकतान्त्रिक कदमको विरोधमा पुस १३ गते १६५ वटै संघीय निर्वाचन क्षेत्रमा विरोध कार्यक्रम गर्ने निर्णय गरेको महामन्त्री पूर्णबहादुर खड्काले बताएका छन् ।

आजै रामचन्द्र पौडेल पक्षको भेलाले आन्दोलनका कार्यक्रम सहितको प्रस्ताव बैठकमा लगेको थियो ।

बैठक अझै जारी छ ।