कारोबारको अन्तिम दिन नेप्से २९ अंकले घट्यो

काडमाडौं । धितोपत्र बजारको शेयर कारोबार मापक नेप्स बिहीबार २९.८३ अंकले ओराले लागेको छ । कारोबारको अन्तिम दिन १.४४ प्रतिशतले घट्दै नेप्से २,०३८ विन्दुमा बन्द भएको छ ।

आज भएको खरीदविक्रीमा भएको कारोबार रकममा पनि कमी आएको छ । ९८ लाख ६० हजार ५३६ कित्ता कारोबारमा ५ अर्ब ३६ करोड ९० लाख ४६ हजार ३२२ रुपैया बराबरको कारोबार भएको हो ।

गत आइतबार प्रधानमन्त्री केपी शर्मा ओलीले संसद विघटन गरेपछि सोही दिन नेप्सेमा ९७ अंकको गिरावट आएको थियो । त्यसपछि नेप्से ह्वातै बढ्ने र घट्ने क्रम रोकिएको छैन ।

आज भएको कारोबारमा सबैभन्दा धेरै नविल बैंकको ६१ करोड ४९ लाख ६५ हजार ९४१ रुपैयाँ बराबरको कारोबार भएको छ । त्यसैगरी एनएलआइसीले ५९ करोड ८१ लाख ९३ हजार ५४१ रुपैयाँ बराबरको कारोबार भएको छ ।

आज सबैभन्दा धेरै नाफा कमाउनेमा सोल्टी होटल रहेको छ भने सबैभन्दा धेरै गुमाउनेमा समृद्धि फाइनान्स लिमिटड रहेको छ