झलनाथले भने–प्रचण्ड र माधव नेपालको हैसियत बराबर

काठमाडौं । विभाजित नेकपाका वरिष्ठ नेता झलनाथ खनालले प्रचण्ड र माधव नेपाल बराबर हैसियतका अध्यक्ष बनेको बताएका छन् ।

यसअघि नेकपामा माधव नेपाल भन्दा माथिल्लो वरियतामा रहेका खनालले केन्द्रीय कमिटी बैठकले नेपाललाई सर्वसम्मत रुपमा अध्यक्ष बनाएपछि आफू तल्लो वरियतामै रहने बताए । खनालले पार्टी काम र योगदानका आधारमा कोही वरिष्ठ भए पनि अध्यक्ष पदमा जो हुन्छ उही माथि हुने प्रष्ट पारे ।

खनालले पत्रकार सम्मेलनमा भने–हिजोको वरियता के थियो अब अध्यक्ष जो हुन्छ उही वरिष्ठ हो । अब दुई अध्यक्ष पहिलो वा दोस्रो के हो उहाँहरुले गर्नुहोला (बीचमै) उहाँहरु दुवै बराबरी अध्यक्ष हो । खनालले केपी ओलीमा गोमन साप प्रवृत्ति रहेको आरोप समेत लगाए ।