संसद विघटन ‘राजनीतिक सर्भिसिङ’: सञ्चारमन्त्री गुरुङ

काठमाडौं । सरकारका प्रवक्ता एवम् सञ्चार तथा सूचना प्रविधिमन्त्री पार्वत गुरुङले संसद विघटनलाई राजनीतिक सर्भिसिङको रुपमा लिन आग्रह गरेका छन् । आइसिटी अवार्डमा बोल्दै मन्त्री गुरुङले प्रविधिमा जस्तै नेपालको राजनीतिमा पनि जनताले वारेन्टी दिएको बताए ।

‘हामीले जसरी मोबाइल, कम्प्युटर सर्भिसिङ गर्नुपर्छ । हाम्रो स्वास्थ्य पनि सर्भिसिङ गर्नुपर्छ, त्यस्तै हामीले यो राजनीति पनि सर्भिसिङ गरेका हौं,’ उनले भने, ‘ यो सर्भिसिङबाट राजनीति फ्रेस बनाउँनुछ ।’

ताजा र नयाँ जनादेशको निम्ति अहिलेको स्टेप आवश्यक भन्दै यसलाई सकारात्मक ढंगले स्वागत गर्न सबैलाई आग्रह गरे । साथै लगानीकर्तालाई पनि निराश नहुन मन्त्री गुरुङको आग्रह थियो । ‘नयाँ ढंगबाट मुलुक समृद्धि र विकासको निम्ति अगाडि बढ्नेछ । लगानीकर्ता पनि निराश नहोऔं,’ मन्त्री गुरुङले भने ।