झलनाथको आरोपः ओलीले संविधानमाथि बलात्कार गरे, उखानटुक्काले देश चल्दैन

काठमाडौं । प्रचण्ड–नेपाल पक्षीय नेकपाले काठमाडौंमा गरेको विरोधसभालाई सम्बोधन गर्दै उक्त समूहका नेता झलनाथ खनालले प्रधानमन्त्री ओलीले संसद विघटन गरेर संविधानमाथि बलात्कार गरेको आरोप लगाएका छन् ।

संसद विघटनविरुद्धको सभामा बोल्दै उनले भने– नेकपालाई जनताले बहुमत दिएका हुन्, ओलीलाई दिएको होइन । तर उहाँले त्यस्तै व्यवहार गर्नुभयो ।

प्रधानमन्त्री ओलीले संविधान र जनविरोधी काम गरेको भन्दै उनले जनप्रतिरोध गर्ने बताए । आफूहरुको नेकपा नै आधिकारिक भएको दाबी गर्दै उनले भने– जनताले दिएको बहुमत केपी शर्मा ओलीको होइन, नेकपाको हो, यसमाथि अपहेलना गरेर जुन कदम केपी ओलीले लिनुभएको छ, यसकाे प्रतिरोध जनताले गर्नेछन्, सूर्य चिह्न हाम्रो हो, हामी नै आधिकारिक हौं ।

ओलीविरुद्ध आक्रामक ढंगमा प्रस्तुत भएका खनालले उखानटुक्काले देश नचल्ने बताए ।