हामी छाड्नेवाला छैनौं, केपी ओली तयार भए हुन्छः प्रचण्ड

काठमाडौं । विभाजित नेकपाका अध्यक्ष पुष्पकमल दाहाल प्रचण्डले सर्वोच्च अदालतप्रति विश्वास रहे पनि अन्तिम लडाइँ जनताकै बलमा लड्ने बताएका छन् । प्रतिनिधिसभा विघटनविरुद्ध आयोजित सभालाई काठमाडौंको भृकुटीमण्डपमा सम्बोधन गर्दै प्रचण्डले भोलि नै केपी ओलीविरुद्ध अर्को चरणको आन्दोलनका कार्यक्रम घोषणा हुने बताए ।

सभालाई सम्बोधन गर्दै प्रचण्डले भने– प्रगितमनका मतियारहरुले बुझे हुन्छ, प्रधानमन्त्री भ्रममा नबसे हुन्छ, हामी अन्तिम समयसम्म लड्छौं । आफ्नोतर्फबाट तयारी गरे हुन्छ । कति सक्ने हो गरे हुन्छ, हामी छाड्नेवाला छैनौं ।

प्रचण्डले दुनियाँले असंवैधानिक भनेको प्रतिनिधिसभा विघटनको कदमलाई सर्वाेच्च अदालतले सुन्नुपर्ने भन्दै अदालतभन्दा आफूहरु जनताको भरमा रहेको बताए ।