विदेशी सेवा किन्दा ५०० डलरसम्मको प्रिपेड कार्ड जारी गर्न पाइने

काठमाडौं । अनलाइनमार्फत विदेशबाट आयात गरिने सेवा वा वस्तुका लागि गरिने भुक्तानीमा नेपाल राष्ट्र बैंकले विदेशी मुद्रा सटही गर्ने व्यवस्था मिलाउने भएको छ ।

यसका लागि वाणिज्य बैंकहरुले अनलाइनमार्फत विदेशबाट सेवा आयातबापतको भुक्तानी गर्न राष्ट्र बैंकले पाँचसय डलरसम्मको विदेशी मुद्राको प्रिपेडकार्ड जारी गर्न पाउने व्यवस्था गर्न लागेको जानकारी दिएको छ ।

अनलाइनमार्फत गरिने विदेशी सेवा वा वस्तुको आयातबापत विदेशी मुद्रा सटहीको सुविधाका लागि राष्ट्र बैंकअन्र्तगत विदेशी विनिमय विभागले प्रस्ताव तयार पारेर राय तथा सुझावका लागि आहन गरेको छ ।

राष्ट्र बैंकले कार्ड जारी गरेको दिनको विनिमय दरका आधारमा ग्राहकको अनुरोधमा बढीमा ५ सयसम्मको डलर कार्ड जारी सक्ने छन् ।
यस्तो कार्ड जारी गर्दा विदेशबाट सेवा खरीद गर्दा लाग्ने कर वाणिज्य बैंकहरुले अग्रिम रुपमा कट्टा गर्नु पर्ने व्यावस्था छ ।

प्रयोगकर्ताले नेपालको कानूनले प्रतिबन्ध नलगाएका विदेशी सेवा नेपालमा बसी अनलाइनमार्फत खरीद गर्न सक्नेछन् । साथै राष्ट्र बैंकले प्रस्तावित व्यवस्थाका सम्बन्धमा सबै सरोबारवाला व्यातिm तथा निकायसँग आवश्यक राय सुझाव समेत मागेको छ ।