बुधबार थपिए ५११ संक्रमित, ७ जनाको मृत्यु
नेपाल प्रेस
२०७७ पुष १५ गते १६:४२
काठमाडौं । नेपालमा पछिल्लो २४ घण्टामा थप ५११ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार बुधबार ५ हजार ५१० नमुना पीसीआर गर्दा ५११ जनामा कोरोना संक्रमण पुष्टि भएको हो ।
योसँगै नेपालमा हालसम्म संक्रमित हुनेको संख्या २ लाख ६० हजार ५९ पुगेको छ। नेपालमा हाल संक्रिय संक्रमित ६ हजार ३०० जना छन् ।
यस्तै आज ६०० जना कोरोनामुक्त भएर घर फर्केका छन् । साथै, कोरोनामुक्त हुनेको संख्या हालसम्म २ लाख ५१ हजार ९१२ पुगेको छ ।
यसैगरी कोरोना संक्रमणबाट थप ७ जनाको मृत्यु भएको छ । योसँगै कोरोनाबाट मृत्यु हुनेको संख्या एक हजार ८४७ पुगेको छ।
नेपाल प्रेस
प्रकाशित: २०७७ पुष १५ गते १६:४२
प्रतिक्रिया
सम्बन्धित खवर
