करिब ६ करोडले जिते कोरोना, नयाँ भाइरसले त्रास बढायो

काठमाडौं । विश्वभर करिब ६ करोड संक्रमितले कोरोना जितेको तथ्यांक छ । ८ करोड ४३ लाखभन्दा बढीमा संक्रमण पुष्टि भएकामा ५ करोड ९६ लाखभन्दा बढीले कोरोनाभाइरसको संक्रमण जितेका हुन् । तथ्यांकअनुसार विश्वभर पछिल्लो २४ घण्टामा ५ लाख ५२ हजारभन्दा बढीमा संक्रमण भएको छ

अहिलेसम्म १८ लाख ६४ हजार ३५४ संक्रमितको मृत्यु भएको छ । अझै २७ प्रतिशत संक्रमित उपचाररत छन् ।

कोरोना संक्रमणबाट विश्वमा सबैभन्दा धेरै असर परेका अमेरिकामा २ करोड ६ लाखभन्दा बढी संक्रमित भएका छन् ।

पछिल्लो समय नयाँ प्रजातिको कोरोनाभाइरसको हल्लाले विश्व आतंकित छ ।