रियल मड्रिड ला लिगाको शीर्ष स्थानमा उक्लियो

एजेन्सी । सेल्टा भिगोमाथिको आरामदायी जितका साथ रियल मड्रिड स्पेनिस ला लिगाको शीर्ष स्थानमा उक्लिएको छ ।

सेल्टा भिगो लालिगामा नोभेम्बर २१ देखि अविजित थियो । यस्तोमा सान्टियागो बर्नबाउ भ्रमण गरेको उसले छैटौं मिनेटमै मार्को एसेन्सियोको क्रसमा लुकास भाज्क्वेजको हेड गोलमार्फत १–० ले पछि पर्‍यो ।

दोस्रो हाफमा एसेन्सियो आफैंले पनि गोल गर्न सफल भए । उनले ५३ औं मिनेटमा कासिमेरोको पासको सदुपयोग गरेका थिए ।

दोस्रो हाफमा आफ्नो शीर्ष गोलकर्ता लागो अस्पासलाई गुमाएको सेल्टाले खेल अवधिभर कमै मात्र गोलका अवसर सृजना गर्न सक्यो । स्यान्टी मिनाले एउटा उच्च अवसर पाएका थिए तर त्यो पोष्टबार नजिकैबाट बाहिरियो ।

यो जितले रियल मड्रिडलाई शीर्ष स्थानमा एट्लेटिको मड्रिडभन्दा १ अंकले अगाडि पुर्‍याएको छ । रियलको १७ खेलबाट ३६ अंक भएको हो ।

डिएगो सिमोनी प्रशिक्षित एट्लेटिकोले १४ खेलमा ३५ अंक छ । उसले आइतबार डेपोर्टिभो अलाभेससँग खेल्नेछ । १७ खेलबाट २३ अंकसहित सेल्टा भने आठौं स्थानमा छ ।