प्रचण्ड–माधव पक्षीय नेकपाको स्थायी कमिटी बैठक बस्दै

काठमाडौं। नेपाल कम्युनिष्ट पार्टी (प्रचण्ड–माधव) पक्षको स्थायी कमिटी बैठक बस्ने भएको छ । स्थायी कमिटी सदस्य भीम रावलका अनुसार बैठक दिउँसो १ बजे पेरिसडाँडास्थित पार्टी कार्यालयमा बस्न लागेको हो ।

अर्का स्थायी कमिटी सदस्य लीलामणि पोखरेलले प्रतिनिधिसभा विघटनविरुद्ध दोस्रो चरणमा गर्न लागिएको आन्दोलनबारे छलफल गरिने जानकारी नेपाल प्रेसलाई दिए ।

प्रवक्ता नारायणकाजी श्रेष्ठ नेतृत्वको केन्द्रीय संघर्ष समितिले शनिबार दोश्रो चरणको संघर्षका कार्यक्रम घोषणा गरेको थियो।

समितिले पुस २० देखि माघ २३ गतेसम्म विभिन्न किसिमका आन्दोलनका कार्यक्रम घोषणा गरेको छ ।