रोनाल्डोले तोडे पेलेको सर्वाधिक गोलको कीर्तिमान

पोर्चुगिज फुटबल स्टार क्रिस्टियानो रोनाल्डोले विश्व फुटबलका महान ब्राजिलियन पेलेको सर्वाधिक गोलको कीर्तिमान तोडेका छन् । पेलेको ७५७ गोलको कीर्तिमानलाई तोड्दै रोनाल्डोले ७५८ बनाए ।

रोनाल्डोले पेलेको करियरकै गोल कीर्तिमानलाई तोडेका हुन् । लियोनल मेस्सीले चाहिँ क्लब गोलको रेकर्ड तोडेका हुन् । आइतबार राती भएको खेलमा ३५ वर्षे खेलाडीले युभेन्ट्सको तर्फबाट युडिनिजविरुद्ध २ गोल गरेका थिए । योसँगै रोनाल्डो इतिहासमै सर्वाधिक गोल गर्ने सूचिको दोस्रो नम्बरमा छन् ।

सर्वाधिक गोलको कीर्तिमान चाहिँ सेलेभिया प्रागका लिजेन्ड जोसेफ बायकनका नाममा ८०५ गोल छ । १९३१ र १९५५ सम्म खेलिएका ५३० खेलबाट जोसेफले ती गोल गरेका थिए ।