आमासँगै विमान चढ्न लागेका युवक ५० थान गोली सहित पक्राउ

काठमाडौं । प्रहरीले पेस्तोलमा प्रयोग हुने ५० थान गोली सहित त्रिभुवन विमानस्थलबाट एक जना शंकास्पद व्यक्तिलाई पक्राउ गरेको छ ।

विमानस्थल प्रहरीका एसएसपी राजेशनाथ बास्तोलाका अनुसाार झापाका बद्रीहाङ राई ९ एमएम पेस्तोलमा प्रयोग हुने ५० थान गोली सहित पक्राउ परेका हुन् ।

मध्यान्ह १२ बजेर ३५ मिनेटको श्री एयरलाइन्सको विमानबाट झापाको भद्रपुर जाँदा थिए । आमा छोरा सँगै जान लागेका बेला पक्राउ परेका राईले गोली आफूले नबोकेको र कसैले फसाउन खोजेको प्रारम्भिक वयान दिएको प्रहरीले जनाएको छ ।