तोकिएकै मितिमा निर्वाचन गराउन सर्वाेच्चमा रिट, आजै पेशी तोकियो

काठमाडौं । सर्वाेच्च अदालतको संवैधानिक इजलासमा प्रतिनिधिसभा विघटनविरुद्धको रिटमाथि सुनुवाइ भइरहेका बेला तोकिएकै मितिमा निर्वाचन गराउन माग गर्दै अर्को रिट दायर भएको छ ।

अधिवक्ता दीपकविक्रम मिश्रले आइतबार दर्ता गराएको रिटको प्रारम्भिक सुनुवाइका लागि आजै पेशी तोकिएको छ । रिटमा तोकिएकै समयमा निर्वाचन गराउनुपर्ने भन्दै निर्वाचनलाई प्रभावित पार्ने गतिविधि नगर्नु/नगराउनु भनी अन्तरिम आदेश माग गरिएको छ ।

सरकारले प्रतिनिधिसभा विघटन गरी वैशाख १७ र २७ गते दुई चरणमा नयाँ निर्वाचनको मिति घोषणा गरिसकेको अवस्थामा निर्वाचनलाई प्रभावित पार्ने कुनै गतिविधि रोक्न माग गरिएको हो ।