वरिष्ठ अधिवक्ता रमण श्रेष्ठको जिकिर– बृहत पूर्ण इजलास चाहिन्छ

काठमाडौं । प्रतिनिधिसभा विघटनविरुद्धको मुद्दा संवैधानिक इजलासमा होइन, सर्वोच्च अदालतको बृहत पूर्ण इजलासमा लैजान माग गरिएको छ । निरन्तर सुनुवाई शुरु भएलगत्तै बहसमा भाग लिएका वरिष्ठ अधिवक्ता रमणकुमार श्रेष्ठले सबै रिटहरुमाथिको सुनुवाईका लागि बृहत पूर्ण इजलास हुनुपर्ने बताएका हुन् ।

अदालतले सबै मुद्दाहरुको छिनोफानोका लागि संवैधानिक इजलासमा पठाइएको थियो । सोहीबमोजिम सुनुवाई भइरहेका बेला रिट निवेदकहरुको तर्फबाट बृहत पूर्ण इजलास माग भएको हो ।

प्रधानन्यायाधीशसहित सर्वोच्चका सबै न्यायाधीशहरु रहेको बृहत पूर्ण इजलास हुन्छ । प्रतिनिधिसभा विघटन गम्भीर संवैधानिक प्रश्न भएको र यसको व्याख्या आवश्यक भएकाले बृहत पूर्ण इजलास चाहिने श्रेष्ठले बताए ।