इजलासको जवाफ– बृहत पूर्ण इजलासमा जाने–नजाने हामी नै निर्क्याेल गर्छौं

काठमाडौं । प्रतिनिधिसभा विघटनविरुद्धको मुद्दा बृहत पूर्ण इजलासमा सुनुवाई गर्न माग गर्ने वकिलहरुलाई इजलासले जवाफ दिएको छ । संवैधानिक इजलासमा बहस शुरु हुनासाथ वरिष्ठ अधिवक्ता रमणकुमार श्रेष्ठले बृहत पूर्ण इजलास माग गरेका थिए ।

जवाफमा प्रधानन्यायाधीश चोलेन्द्रशमशेर जबरा र न्यायाधीश हरिकृष्ण कार्कीले पहिले रिट निवेदनमाथि छलफल गर्न आदेश दिएका हुन् ।

‘तपाईहरुको निवेदनमाथि बहस होस । सुनुवाईपछि संवैधानिक इजलासले नै यसबारे निर्क्याेल गर्नेछ, पूर्ण इजलासमा जाने कि नजाने भन्नेबारे यसैबाट आदेश दिनेछ’ इजलासले भन्यो ।

बृहत पूर्ण इजलासमा लगियोस् भन्ने निवेदन संवैधानिक इजलासमा पढेर सुनाइएको छ ।