करोड जनसंख्या भएको सहरमा चीनले गर्‍यो लकडाउन

काठमाडौं । भाइरस संक्रमणमा वृद्धि भएपछि चीनले १ करोडभन्दा बढी जनसंख्या भएको हुबेइ प्रान्तमा शुक्रबारदेखि लकडाउन गरेको छ । बेइजिङ नजिक रहेको उक्त प्रान्तीय राजधानी सिजाजुङका बासिन्दालाई प्राप्त छाड्न दिइएको छैन । ठूला राजमार्गको यातायात सेवा बन्द गरिएको छ भने हवाइ सेवा ठप्प पारिएको छ । ११७ जनामा भाइरस पुष्टि भएपछि लकडाउन घोषणा भएको हो ।

संक्रमितमध्ये ६७ वटा केस लक्षणविहिन पाइएको जनाइएको छ । बुधबार चीनभर १२३ संक्रमण भेटिएको छ । यो केस अक्टोबर यताकै उच्च हो । सिजाजुङको स्वास्थ्य विभागका अनुसार विहिबार त्यहाँ थप ६६ पजेटिभ केस भेटिएका छन् । यो सहर राजधानी बेइजिङबाट १८० माइल दक्षिणपश्चिम पर्छ । विहिबार आयोजित प्रेसमिटमा नगर स्वास्थ्य प्रवक्ताले सिजाजुङ सहरका बासिन्दालाई अत्यावश्यक बाहेक हिँडडुल गर्नमा रोक लगाइएको बताए ।

गत मार्चमा सर्वाधिक संख्यामा चीनमा भाइरस फैलिएको थियो । भाइरस फैलिएको वुहानमा कडा लकडाउन गरिएको थियो । लुनार नयाँवर्षको केही दिनअघि मात्र सिजाजुङमा भाइरस फैलिएको हो । यो पर्वको छेकोमा करोडौं मान्छेहरु एकठाउँबाट अर्को ठाउँमा जाने गर्दछन् । चिनियाँ सरकार पुनः यो फेस्टिभलको समयमा भाइरसको संक्रमण ब्यापक हुनसक्ने भन्दै चिन्तित छ ।