काठमाडौं । नेपाली कांग्रेसको भातृ संगठन नेपाल विद्यार्थी संघले प्रतिनिधिसभा विघटनको विरोधमा उल्टो हिँडेर प्रदर्शन गरेको छ । सरकार उल्टो बाटोमा हिँडेको भन्दै सांकेतिक रुपमा नेविसंघले उल्टो नै हिँडेर प्रदर्शन गरेको हो ।
माइतीघरदेखि नयाँ बानेश्वरसम्म नेविसंघका नेता तथा कार्यकर्ता उल्टो हिँडेका थिए । उल्टो हिँडाइपछिको कोणसभामा विद्यार्थी नेताहरुले भाषण गर्दै सरकारको विरोध गरे ।
