क्लीन फिड लागू नगर्नेमाथि कारवाही गर्ने विज्ञापन बोर्डको चेतावनी

काठमाडौं । विज्ञापन बोर्डले स्वरांकन (डबिङ) गरिएका विदेशी विज्ञापन प्रसारण नगर्न सञ्चारमाध्यमहरुलाई आग्रह गरेको छ । त्यस्तै विदेशी च्यानलहरु विज्ञापनरहित प्रसारण गर्न समेत ध्यानाकर्षण गराएको छ ।

बोर्डले सार्वजनिक सूचना प्रकाशित कतिपय सञ्चारमाध्यमले विदेशी विज्ञापन डबिङ गरी प्रसारण गरिरहेको गुनासो आएको भन्दै त्यसो नगर्न ध्यानाकर्षण गराएको हो ।

क्लीन फिड लागु भइसकेको अवस्थामा विदेशी विज्ञापन नपालका सन्चारमाध्यममा डबिङ गरी प्रसारण गर्न नपाइने बोर्डले जनाएको छ । विदेशी च्यालनहरुमा समेत कानून विपरित विज्ञापन बजिरहेको भन्दै बोर्डले यस्ता कार्य भए कानुन बमोजिम कारवाही हुने चेतावनी दिएको छ ।

नेपालमा कात्तिक ७ गतेदेखि क्लीन फिड लागू भएको छ । तर यसको मान्यता विपरित आइपी टिभीहरुमा निर्वाध रुपमा विज्ञापन सहितका विदेशी च्यानल प्रसारण भइरहेका छन् । कानुन अनुसार विदेशी विज्ञापन नेपालमा प्रसारण प्रकाशन गर्दा नेपाली कलाकार नै प्रयोग गर्नुपर्ने हुन्छ ।