प्रचण्ड–माधव पक्षको सचिवालय बैठक पेरिसडाँडामा बस्दै, महासचिव तोक्ने विषयमा छलफल हुने
नेपाल प्रेस
२०७७ पुष २६ गते १४:२८
काठमाडौं । विभाजित नेकपाको प्रचण्ड–माधव नेपाल पक्षधर सचिवालय सदस्यको बैठक पार्टी केन्द्रीय कार्यालय पेरिसडाँडामा बस्ने भएको छ । दोस्रो चरणको आन्दोलनका कार्यक्रम चलिरहेका बेला सो समूहले सचिवालय बैठकमा छलफल गर्न लागेको हो ।
नेकपाको साबिक सचिवालयका ९ जनामध्ये हाल प्रचण्ण्ड–माधव समूहमा चारजना छन् । वामदेव गौतम दुवै पक्षमा खुलेका छैनन् भने बाँकी चार नेता केपी ओली नेतृत्वको नेकपामा छन् ।
पार्टी विभाजनपछिको अवस्थामा संगठन समायोजन, जिम्मेवारी बाँडफाँड र महासचिव चयनलगायतका विषयमा पनि नेताहरुबीच छलफल हुने स्रोतले जनाएको छ ।
समायोजनका लागि सो समूहले माधवकुमार नेपालको संयोजकत्वमा कार्यदल गठन गरेको छ ।
नेपाल प्रेस
प्रकाशित: २०७७ पुष २६ गते १४:२८
प्रतिक्रिया
सम्बन्धित खवर
