स्थानीय तहमा पूँजीगत खर्च बढाउन अर्थमन्त्रीको आग्रह

काठमाडौं । स्थानीय तहमा पूँजीगत खर्च कम भएको भन्दै अर्थमन्त्री विष्णुप्रसाद पौड्यालले पूँजीगत खर्च बढाउन आग्रह गरेका छन् ।

आइतबार अर्थमन्त्रलायमा आयोजित छलफलमा बोल्दै अर्थमन्त्री पौड्यालले पूँजीगत खर्च बढाउने वातावरण तयार पार्न नेपाल नगरपालिका संघ र गाउँपालिका राष्ट्रिय महासंघलाई आग्रह गरेका हुन् ।

हाल स्थानीय तहमा पुगेको रकममध्ये १२६ अर्ब रुपैयाँ खर्च हुन सकेको छैन । यो रुपैयाँ खर्च गर्नका लगि पौड्यालले नेपाल नगरपालिका संघका अध्यक्ष अशोककुमार व्याञ्जु र गाउँपालिका राष्ट्रिय महासंघका अध्यक्ष होमनारायण श्रेष्ठलाई आग्रह गरे ।

छलफलमा अर्थमन्त्री पौड्याले स्थानीय तहमा कोभिड–१९ कारण अति प्रभावित र अफ्ट्यारो परेकाहरुलाई पनि सहयोग गर्न समेत आग्रह गरे । यसैगरी प्रधानमन्त्री रोजगार कार्यक्रमलाई प्रभावकारी र उत्पादनमुलक बनाउने वातावरण सृजना गर्न पनि उनले छलफलमा बताए ।