शेयर बजारले दिनै–दिनै नयाँ रेकर्ड बनाउँदै, नेप्स ४१ दशमलव २४ अंकले वृद्धि

काठमाडौं । धितोपत्र बजारको शेयर कारोबार मापक नेप्सले बजार खुलेको पहिलो दिन आइतबार ४१ दशमलव २४ अंकले वृद्धि भएको छ । आज भएको कारोबारमा नेप्से २ हजार २३५ दशमलव ७३ विन्दुमा पुगेको छ ।

आज भएको १ करोड ५० लाख ३० हजार ८३६ कित्ताको किनबेचमा ६ अर्ब ३२ करोड ६६ लाख ४६ हजार ८०६ रुपैयाँ बराबरको कारोबार भएको छ ।
आज सबैभन्दा धेरै कारोबार प्रभु बैंक रहेको छ । आज भएको प्रभु बैंकको ४० करोड २९ लाख ९१ हजार ९८ रुपैयाँ बराबरको कारोबार भएको छ । यसैगरी आज प्रभुलाइफ एन्स्योरेन्सको शेयर मूल्य १० प्रतिशतले बढेको छ ।

त्यस्तै नारायणी विकास बैंकले ९ प्रतिशत, आरम्भ चौतारी लघुवित्त संस्थाको ९ प्रतिशत, कुमारी बैंकले ९ प्रतिशतले कमाएका छन् । आज सबैभन्दा बढी गुमाउनेमा निर्धान उत्थान लघुवित्त रहेको छ । जसले ४ प्रतिशत गुमाएको छ ।