जंगी अड्डामा ‘पृथ्वीनारायण शाह अध्ययन केन्द्र’ स्थापना

काठमाडौं । नेपाली सेनाका संस्थापक समेत मानिने तत्कालीन राजा पृथ्वीनारायण शाहको २९९ औं जन्मजयन्तीका अवसरमा नेपाली सेनाको जंगी अड्डामा सलामी तथा सम्मान अर्पण गरिएको छ ।

जंगी अड्डामा आयोजित विशेष कार्यक्रममा नेपाली सेनाका प्रधान सेनापति पूर्णचन्द्र थापाले ‘पृथ्वीनारायण शाह अध्ययन केन्द्र’को उद्घाटन गरेको सेनाले जनाएको छ ।

अध्ययन केन्द्रमा पृथ्वीनारायण शाहका दिव्योपदेशदेखि नेपाल एकीकरणसम्बन्धी विभिन्न लडाइसँग जोडिएका सामग्री रहनेछन् ।

पृथ्वीजयन्ती तथा राष्ट्रिय एकता दिवसका अवसरमा प्रधान सेनापतिले जंगी अड्डास्थित शाहको शालिकमा सलामी तथा सम्मान अर्पण गरेका थिए ।

सेनाले पृथ्वीजयन्तीकै अवसरमा गोरखादेखि काठमाडौंसम्म पृथ्वीनारायण शाहले नेपाल एकीकरणका क्रममा प्रयोग गरेको बाटोमा पदयात्रा गरेको थियो । पदयात्राको टोली आइतबार काठमाडौं आइपुगेको थियो ।