तीनै तहका सरकारको खर्च र आम्दानी कति ? (विवरणसहित)

काठमाडौं । आर्थिक वर्ष २०७६/७७ मा तीनै तहका सरकारले गरेको खर्च र प्राप्त भएको राजश्व विवरण महालेखा परीक्षकले अर्थ मन्त्रालयमा बुझाइएको छ ।

संघीय सरकारले कुल राजश्व ८ खर्ब ४१ अर्व ३१ करोड रुपैयाँ प्राप्त गरेको छ । तीन तहको सरकारको केन्द्रीय लेखाको एकीकृत वित्तीय विवरणमा सो विवरण सार्वजनिक गरिएको हो ।

संघीय सरकारको खर्च भने १० खर्ब ९१ अर्व १३ करोड ५२ लाख भएको रहेको छ ।

त्यस्तै प्रदेश सरकारको सन्चित कोषमा २ खर्व ३१ अर्व प्राप्त हुँदा १ खर्व ६५ अर्व खर्च भएको देखिएको अर्थ मन्त्रायले जनाएको छ ।

स्थानीय तहको वित्तीय प्रवितेदन यसपाली पहिलो पटक सूत्र प्रणालीबाट तयार पारिएको महालेखा नियन्त्रक कार्यालयका प्रवक्ता ज्ञानेनद्र पौडेलले जनाएका छन् ।

यो वर्ष ७५३ वटै स्थानीय तहको आय व्यय एकीकृत गर्दा राजश्व प्राप्ति कुल ४ खर्व ४ अर्व ३० करोड देखिएको छ । त्यस्तै स्थानीय तहको कुल खर्च ३ खर्व २० अर्व ५ करोड रहेको विज्ञप्तिमा उल्लेख छ ।

आन्तरिक ऋण र बैदेशिक स्रोत बाहेक १० खर्व ४७ अर्व ४८ करोड रुपैया राजश्व प्राप्ति भएको कार्यालयले जनाएको छ । आन्तरिक ऋण १ खर्व ९४ अर्व ९० लाख र वैदेशिक ऋण १ खर्व १६ अर्व ४८ करोड रहेको छ । त्यस्तै वैदेशिक अनुदान १८ अर्व ८८ करोड ५७ लाख प्राप्त भएको विज्ञप्तिमा जनाइएको छ ।

आर्थिक कार्यविधी तथा वित्तीय उत्तरदायित्व ऐन बमोजिम आर्थिक वर्ष २०७६/७७ को तीनै तहका सरकारको केन्द्रीय लेखाको एकीकृत विवरण अर्थमन्त्री बिष्णु पौडेल र महालेखा परीक्षक टंकमणी शर्मालाई मंगलवार बुझाइएको हो ।