पदको लोभमा प्रचण्डले माओवादी विचारको व्यापार गरेः प्रभु साह

मलङ्वा । शहरी विकास मन्त्री तथा नेपाल कम्युनिष्ट पार्टी (ओली पक्ष)का नेता तथा प्रभु साहले प्रचण्डले माओवादी पहिचान बेचेर खाइसकेको बताएका छन्।

मंगलबार नेकपा सर्लाही जिल्ला कमिटीद्वारा सदरमुकाम मलङ्वामा आयोजित कार्यकर्ता भेलालाई सम्बोधन गर्दै नेकपा प्रदेश २ का अध्यक्ष समेत रहेका नेता साहले प्रचण्डले अब माओवाद वा माओवादी विरासतको कुरा गर्न नहुने टिप्पणी गरे।

‘आज प्रचण्डजीले माओवादको कुरा गर्दै हुनुहुन्छ,’ उनको भनाइ छ, ‘नेता साहले भने, ‘पदको लोभमा माओवादी विचारको यतिसम्म व्यापार गर्नुभयो कि अचेल उहाँले माओको अनुहार पनि बिर्सिनुभएको छ। तपाईंले कतै देख्नुभएको छ माओको तस्वीर राखेको ?’

कार्यक्रममा नेकपा सचिवालय सदस्य एवम् उपप्रधानमन्त्री इश्वर पोखरेल, स्थायी कमिटी सदस्यद्वय सत्यनारायण मण्डल र रघुवीर महासेठ, प्रदेश सचिव एवम् राष्ट्रिय सभा सदस्य सुमन प्याकुरेल, महिला बालबालिका तथा जेष्ठ नागरिक मन्त्री लिलानाथ श्रेष्ठलगायतका नेताहरुको उपस्थिति रहेको थियो।