काठमाडौं । विहेको एकमहिनापछि पनि अभिनेत्री श्वेता खड्का र उनका श्रीमान विजयेन्द्रको सेलिव्रेसन मुड सकिएको छैन । के–टाउनको यो नयाँ जोडीले माघे सक्रान्तिको साँझ निकट फिल्मकर्मीसँग खुशि सेलिव्रेट गर्‍यो । ठमेलको अलफ्ट लाउन्जमा यो कपललाई बधाइ दिन नेपाली फिल्मका सेलेव्रिटी र संचारकर्मी सहभागि थिए ।

फिल्मकर्मीका लागि श्वेताले भोजको आयोजना गरिन् । उक्त गेट–टुगेदरमा श्वेता र विजयेन्द्रले केक काटे र चखाए । करिश्मा मानन्धर लगायतका सेलेब्स पार्टीमा थिए । खुशिको मुडमा देखिएकी श्वेताले आगन्तुकलाई धन्यवाद दिइन् । ‘यहाँहरुले दिनुभएको आशिर्वादले ऊर्जा मिलेको छ’ श्वेताले भनिन्, ‘जिन्दगीमा अगाडि बढ्ने हौसला मिलेको छ । मलाई मेरो परिवारले माया दिनुभएको थियो ।’

मंसिरको २२ गते विहे गरेको यो जोडीले पहिलोपटक फिल्मकर्मीका लागि रिसेप्सन आयोजना गरेको हो । यसअघि उनीहरुले अन्य क्षेत्र र आफन्तका लागि पार्टी गरेका थिए । पार्टीमा विजयेन्द्र भने खासै बोलेनन् । लकडाउनकै समयमा मौलाएको श्वेता–विजयेन्द्र प्रेम बल्ल अहिले आएर विहेमा रुपान्तरण भएको हो ।

तस्विर सौजन्य : नवीन कार्की