युवा ब्याडमिन्टन स्टार प्रिन्स जुनियर विश्व बरीयताको तेस्रो स्थानमा

काठमाडौं । नेपाली युवा ब्याडमिन्टन स्टार प्रिन्स दाहाल ब्याडमिन्टनल वर्ल्ड फेडेरेसनको जुनियर बरीयताको शीर्ष तीनमा परेका छन्, जुन कुनै पनि नेपाली खेलाडीले अहिलेसम्म हासिल गरेको उच्च स्थान हो ।

यसअघि ११औं स्थानमा रहेका प्रिन्सले ८ स्थान सुधार गरेर शीर्ष तीनमा स्थान बनाएका हुन् । २०१९ मा दुबईमा सम्पन्न वर्ल्ड जुनियर ब्याडमिन्टन च्याम्पियनसिपमा नेपालका लागि ऐतिहासिक स्वर्ण पदक जितेका प्रिन्सले राष्ट्रिय स्तरका प्रतियोगितामा एक छत्र राज गर्दैै आएका छन् ।

२०२० मा उनले प्रेसिडेन्ट कप नेपाल जुनियर इन्टरनेसनल सिरिजमा दोस्रो स्थान हासिल गरेका थिए । उनले त्यसपछिका दुई प्रतियोगितामा पनि उल्लेख्य प्रदर्शन गरेका थिए ।