पिएम कपमा आशिफको अर्धशतक

काठमाडौं । प्रधानमन्त्री कप राष्ट्रिय एकदिवशीय क्रिकेट प्रतियोगिताको दोस्रो खेलमा विभागीय टोली सशस्त्र प्रहरी बलको एपिएफका आशिफ शेखले प्रदेश १ विरुद्ध अर्धशतक बनाएका छन् ।

त्रिवि क्रिकेट मैदानमा टस हारेर ब्याटिङको निम्तो पाएको एपिएफका लागि ओपनिङमा आएका आशिफले ३२ बल खेलेर ६ चौका ५ छक्कासहित ६९ रन बनाए ।

आशिफ नवौं ओभरमा सोनु मण्डलले फालेको पाँचौं बलमा फिर्दोस अनसारीको हातबाट क्याच आउट भए । एपिएफ अहिले १०.१ ओभरमा १ विकेट गुमाएर ७७ रन बनाएर खेलिरहेको छ । एपिएफका लागि सुवाष खकुरेल १० तथा कप्तान सरद भेसावकर ४ रन बनाएर खेलिरहेका छन् ।