प्रतिनिधिसभा विघटनविरुद्ध डा.केसीको अगुवाइमा प्रदर्शन

प्रतिनिधिसभा विघटनको विरोधमा प्राध्यापक डा.गोविन्द्र केसीको अगुवाइमा प्रदर्शन भएको छ। डा.केसी लगायतको अगुवाईमा शनिबार माइतीघर मण्डलामा प्रदर्शन भएको हो। नागरिक समाजका विभिन्न अभियान्ताहरु समेत सहभागि प्रदर्शनमा संवैधानिक सर्वोच्चता कायम गर, संवैधानिक निकायको कब्जा बन्द गर, निरंकुश सरकार चाहिँदैन लगायत लेखिएका प्लेकार्ड बोकेका थिए। प्रतिनिधिसभा विघटनविरुद्ध लगातार माइतीघर मण्डलामा विभिन्न नागरिक समूहले प्रदर्शन गरिरहेका छन्।