ब्राइटनको कठिन जितमा मौपेको निर्णायक गोल

एजेन्सी । निल मौपेको निर्णायक गोलप्रेरित ब्राइटनले इङ्लिस प्रिमियर लिगमा शनिबार राति लिड्स युनाइटेडलाई उसकै मैदानमा ०–१ को नतिजामा पराजित गरेको छ ।

लिड्सको घरेलु मैदान एलान्ड रोडमा भएको खेलको १७औं मिनेटमा मौपेले गरेको एकमात्र गोल निर्णायक बन्दा भ्रमणकारी ब्राइटनले कठिन जित निकाल्यो । जितसँगै १९ खेलबाट १७ अंक जोडेको ब्राइटन अंक तालिकाको १६औं स्थानमा उक्लिएको छ ।

एक खेल कम खेलेको लिड्स २३ अंकसहित तालिकाको १२औं स्थानमा छ । ब्राइटनसँग पराजित भएसँगै लिड्सले अंक तालिकाको १०औं स्थानमा उक्लिने मौका गुमाएको छ ।