कर्णालीविरुद्ध टस जितेर ब्याटिङ गर्दै आर्मी

काठमाडौं । प्रधानमन्त्री कप राष्ट्रिय पुरुष एकदिवसीय क्रिकेट प्रतियोगिताअन्तर्गत आज मूलपानी क्रिकेट मैदानमा हुने खेलमा विभागीय टोली त्रिभुवन आर्मी क्लबले कर्णाली प्रदेशविरुद्ध टस जितेर ब्याटिङ रोजेको छ ।

उद्घाटन खेलमा गण्डकी प्रदेशलाई ९८ रनले पराजित गरेको आर्मी आजको खेलमा जित हासिल गर्दै अपराजित यात्रा कायम राख्न चाहन्छ ।

त्यस्तै प्रतियोगिताको दाबेदार मानिएको आर्मीलाई स्तब्ध पार्दै प्रतियोगिताको सुखद् सुरुआत गर्ने तयारीसहित कर्णाली क्रिजमा उत्रिँदै छ ।