सैनिक सेवा नियमावली संशोधन, सिपाहीको पेन्सन १६ वर्षमै

काठमाडौं । नेपाली सेनामा जागिर खाएका सिपाहीको १६ वर्षमै पेन्सन हुने गरी सैनिक सेवा नियमावली संशोधन भएको छ । ईश्वर पोखरेल रक्षामन्त्री भएकै बेला अघि बढेको नियमावली संशोधनपछि अब नेपाली सेनाका तल्लो दर्जाका फलोअर्स र सिपाहीले १६ वर्षमै पेन्सन पाउने भएका छन् ।

त्यस्तै प्युठ, अमलदाार र हुद्दाको पेन्सन १७ वर्षमा हुनेछ भने जमदारको १८ वर्षमा पेन्सन हुने गरी नियमावली संशोधन भएको छ । सुवेदार र प्रमुख सुवेदारको १८ वर्षमा पेन्सन हुनेछ भने सहायक सेनानीभन्दा माथिका सबै दर्जाका अधिकृतहरुको पेन्सन २० वर्षमा हुने भएको छ ।

सेनाका तल्लो तहका कर्मचारीको पेन्सन अवधि घटाउन लामो समयदेखि माग हुँदै आएकोमा प्रधानसेनापति पूर्णचन्द्र थापाले आफ्नो कार्यकालमा सैनिक सेवा नियमावली २०६९९ मा संशोधन गरी माग पूरा गरिदिएका हुन् ।

यसैबीच नेपाली सेनाका प्रवक्ता सन्तोष बल्लभ पौडेलले सैनिक सेवा नियमावली संशोधनको लागि कानुन मन्त्रालयबाट सहमति आए पनि मन्त्रिपरिषदबाट पारित हुन बाँकी रहेको नेपालप्रेसलाई बताए ।