नेपाल लाइफ इन्स्योरेन्सको साधारण सभा माघ २८ गते
२०७७ माघ ६ गते १२:१२
काठमाडौं । नेपाल लाइफ इन्स्योरेन्सको साधारण सभा माघ २८ गते हुने भएको छ । सभामा ३१ प्रतिशत बोनस सेयर तथा २० प्रतिशत नगद लाभांश आफ्ना सेयर धनीलाई दिने प्रस्ताव गरिने छ ।
साथै कम्पनीको अहिले रहेको प्रति कित्ता सेयर १०० रुपैयाँलाई प्रबन्धपत्र र नियमावली संशोधन गरी प्रति कित्ता ५० रुपैयाँ बनाउने प्रस्ताव सभामा लैजाने कम्पनीले बताएको छ । परिवर्तन गर्ने प्रस्ताव सम्बन्धित निकायको स्वीकृतिपछि मात्र लागू हुनेछ ।
यसैगरी साधारण सभा प्रयोजनका लागि सेयरधनीदर्ता पुस्तिका माघ १४ गतेदेखि २८ गतेसम्म बन्द रहनेछ । कम्पनीको सभा बीरगञ्जमा गरिने छ ।
त्यस्तै कम्पनीमा माघ १३ गतेसम्म सेयर लिएका सेयर धनीले मात्र लाभांश पाउने छन् ।
प्रकाशित: २०७७ माघ ६ गते १२:१२
प्रतिक्रिया
सम्बन्धित खवर
