‘ब्याटल ग्राउण्ड’मा प्रचण्ड–म युद्ध लडेको कमाण्डर हुँ, अब केपी सिद्धिए (भिडियो रिपोर्ट)

काठमाडौं । पार्टी विभाजनपछि केपी ओली र पुष्पकमल दाहाल प्रचण्डबीच चलेको दोहोरी ब्याटल रोकिएको छैन । तर पछिल्ला दुई दिनयता ओलीको बोली सार्वजनिक रुपमा नआउँदा प्रचण्ड एकल रुपमा हावी भइरहेका छन् ।

मंगलवार प्रचण्ड माधव पक्षधर पत्रकारहरुको राष्ट्रिय भेलामा पनि उनी ओलीविरुद्ध गर्जिए र मूल रुपमा उनले चारवटा आरोप र चेतावनी ओलीमाथि बर्साए । जसलाई नेपालप्रेसले भिडियो सहित ब्याटल राउण्डमा पुर्याउन कोशिस गरेको छ ।

आरोप १

केपी ओलीले हिजो जुन विदेशी शक्ति (भारत) विरुद्ध देखाएर राष्ट्रवादी बनेका थिए आज उनीहरुसँगै लम्पसार परेर पार्टी विभाजन र संसद विघटन गरे । ओलीको खोक्रो राष्ट्रवाद र सामन्ती राष्ट्रवाद देखिइसक्यो ।

आरोप २

अघिल्लो वर्ष मेरो अध्यक्षतामा केन्द्रीय कमिटी बैठक सफल रुपमा सम्पन्न भएपछि नै केपी ओलीले अब प्रचण्डलाई अध्यक्षबाट हटाउनुपर्छ भनेर गुटका भेला थाले । मलाई ध्वस्त पार्न कुर्सी हटाइदिए । कुर्सी बोकेर फेरि त्यहिँ जान लाज लाग्यो, माधव नेपालले त त्यो कुर्सी बोकेर केपी ओलीलाई छाड भन्दै सँगै बस्थेँ भन्नु हुन्थ्यो । त्यहि दिनबाट ओलीविरुद्ध बहुमतको नेतृत्व मैले गेरेँ ।

आरोप ३

म अलि भावुक मान्छे हुँ फकाए पनि फकिइहाल्ने । तर म युद्धको नेतृत्व गरेको कमाण्डर पनि हुँ । भित्तामा पुर्याउनु पर्यो भने केपीलाई भित्तामै पुर्याइदिन्छु, केपी सिद्धिसके अब ।

आरोप ४

केपी ओलीको हातमा अब केही पनि छैन । उनले गर्न सक्ने अब केही छैन, चीज अब अरुकै हातमा गइसक्यो ।

यो पनि पढ्नुहोस्

ओली भर्सेस प्रचण्ड-माधवको दोहोरी ब्याटल, दर्शक दीर्घामा देउवा-पौडेल जुहारी (भिडियो रिपोर्ट)