काठमाडौं विश्वविद्यालयकाे उपकुलपतिमा भोला थापा

काठमाडौँ ।काठमाडौं विश्वविद्यालय (केयू)को उपकुलपतिमा प्रा.डा भोला थापा नियुक्त भएका छन् । प्रधानमन्त्री केपी शर्मा ओलीले थापालाई नियुक्त गरेका हुन् ।

शिक्षामन्त्री कृष्णगोपाल श्रेष्ठको संयोजन समितिले उपकुलपतिको लागि तीन जनाको नाम सिफारिस गरेको थियो । सिफारिसमा डा थापासँगै प्राडा रामकण्ठ माकजु र प्राडा. बालचन्द्र लुइँटेल परेका थिए ।

उपकुलपतिको रुपमा दुई वर्षे कार्यकाल पूरा गरिसकेका माकजुलाई सिफारिस गरिएको भनेर प्राध्यापकहरूले आपत्ति जनाएका थिए ।

छनौट समितिमा समितिमा सुरेशराज शर्मा र दमननाथ ढुङ्गानालाई सदस्य थिए । थापा केयुका पूर्व रजिष्ट्रार हुन् ।