राधिका बनिन् जंगल युद्धकला सिक्ने पहिलो नेपाली महिला सैनिक

काठमाडौं । सिपाही राधिका थापा नेपाली सेनाको प्रतिबिद्रोह तथा जंगल युद्धकला तालिम सम्पन्न गर्ने पहिलो महिला सैनिक बनेकी छिन् । सैनिक प्रवक्ता सन्तोषवल्लभ पौडेलले यस्तो जानकारी दिएका हुन् ।

उनले यस्तो चुनौतिपूर्ण तालिम सफलतापूर्वक सम्पन्न गरेकोमा थापालाई बधाइ एवं शुभकामना दिएका छन् । बाराको अमलेखगञ्जस्थित सैनिक तालिम केन्द्रमा थापाले तीन महिना लामो कठिन ट्रेनिङ लिएकी थिइन् ।

नेपाल पे्रससँग कुरा गर्दै सैनिक प्रवक्ता पौडेलले यस्तो तालिम लिनेमा सिपाही थापा पहिलो महिला सैनिक भएको बताए । यो तालिम अन्तर्गत जंगल युद्धभ्यास र सैनिक कला सिकाइन्छ ।