७२ वर्षीया आमाको हत्या गरेको आरोपमा छोरा पक्राउ

तनहुँ । तनहुँमा ७२ वर्षीया आमाको हत्या गरेको अभियोगमा छोरा पक्राउ परेका छन् ।

ब्यास नगरपालिका -११ दरैपधेरो बस्ने ३३ वर्षीय प्रेम दरैले आमा लक्ष्मी दरैको हत्या गरेको आरोपमा पक्राउ परेका हुन् ।

मादक पदार्थ सेवन गरेका प्रेमले काठको दाउराले प्रहार गर्दा आमा लक्ष्मीको घटनास्थलमै मृत्यु भएको थियो ।

उनलाई जिल्ला प्रहरी कार्यालय तनहुँबाट खटिएको प्रहरीले पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।