उच्च पहाडी र हिमाली भेगमा हिमपातको सम्भावना
नेपाल प्रेस
२०७७ माघ ११ गते ६:४५
हुम्लामा केही दिन अगाडि भएको हिमपात ।
काठमाडौं । हाल देशका पहाडी भू-भागमा आंशिक बदली रहेको तथा बाँकी ठाउँको मौसम सामान्यतया सफा रहेको जल तथा मौसम विज्ञान विभागले जनाएको छ । विभागका अनुसार पश्चिमी वायुको सामान्य प्रभावले केही स्थानको मौसमलाई असर परेको छ ।
मौसम पूर्वानुमान महाशाखाका अनुसार आज दिउँसो र सुदूरपश्चिम, गण्डकी र प्रदेश १ को उच्च पहाडी तथा हिमाली भेगका एक/दुई स्थानमा हल्का हिमपातको सम्भावना छ ।
केही पहाडी तथा हिमाली भेगमा हिमपात साथै तराईका केही स्थानमा बिहानीपख हुस्सु/कुहिरोसमेत लाग्ने सम्भावना रहेकोले चिसोबाट बच्न र सतर्क रहन महाशाखाले सर्वसाधारणलाई अनुरोध गरेको छ ।
नेपाल प्रेस
प्रकाशित: २०७७ माघ ११ गते ६:४५
प्रतिक्रिया
सम्बन्धित खवर
