दोस्रो डिभिजनको क्लबलाई हराउँदै टोटनह्याम एफए कपको पाँचौं चरणमा

एजेन्सी । इंग्ल्यान्डको दोस्रो डिभिजन च्याम्पियनसिपको अन्तिम स्थानमा रहेको क्लब वीकोम्ब वोन्डरर्समाथि ४–१ गोलको पुनरागमन जितका साथ प्रिमियर लिग टोली टोटनह्याम इंग्लिस नकआउट फुटबल प्रतियोगिता एफ ए कपको पाँचौं चरणमा प्रवेश गरेको छ ।

चौथो चरणको खेलमा वोन्डरर्सले अफ्नो मैदानमा अनयेडिन्माको गोलमार्फत पहिलो हाफको २५ औं मिनेटमा अग्रता बनाएको थियो ।

गर ग्यारेथ बेलले पहिलो हाफको इन्ज्यूरी समयमा बराबरी गोल फर्काएपछि टोटनह्याम खेलमा फर्कियो । तर दोस्रो हाफमा उसलाई गोल गर्न अन्तिम समय कुर्नुपर्‍यो । दोस्रो हाफको सुरुमा वोनडरर्सले टोटनह्यामाथि निकै दवाव पेश गरेको थियो ।

प्रशिक्षक जोसे माउरिन्होले आफ्ना मुख्य खेलाडीहरु ह्यारी केन, सन ह्युङ मिन र डोम्बेलेलाई मैदानमा छिराएपछि टोटनह्यामको खेलमा एकाएक सुधार आयो । विंक्सले ८६ औं मिनेटमा अग्रता दिलाए ।

त्यसको १ मिनेटपछि नै डोम्बेलेले गोल गरे । इन्ज्यूरी समयमा उनैले अर्को गोल थपे र टोटनह्यामले सुखद नतिजा निकाल्न सक्यो ।