जोशी र घिमिरेको तस्वीर अंकित हुलाक टिकट प्रकाशन गर्ने सरकारको निर्णय

काठमाडौं । सरकारले सत्यमोहन जोशी र माधव घिमिरेको तस्वीर अंकित हुलाक टिकट प्रकाशन गर्ने निर्णय गरेको छ ।

सञ्चार तथा सूचना प्रविधि मन्त्रालयको प्रस्तावमा यस्तो निर्णय गरिएको आज सिंहदरबारमा आयोजित नियमित पत्रकार सम्मेलनमा सरकारका प्रवक्ता समेत रहेका सञ्चार तथा सूचना प्रविधि मन्त्री पार्वतङले जानकारी दिए ।

यसै साता बसेको मन्त्रिपरिषद बैठकले वन ऐन नियमावली कार्यविधि लागू गर्ने निर्णय गरेको छ भने वन नियमावली, २०७१ खारेज पनि गरेको छ ।

वन मन्त्रालयको प्रस्तावमा वैज्ञानिक वन व्यवस्थापन कार्यविधिलाई नयाँ ढंगले लागु गर्ने निर्णय पनि भएको मन्त्री गुरुङले बताए । मन्त्रिपरिषद् बैठकले नेपालमा भएका जनआन्दोलनमा बेपत्ता, योद्धा, द्धन्द्धपीडितको अभिलेख गर्ने, सम्मान परिचयपत्र उपलब्ध गराउने निर्णय पनि गरेको छ ।

यसका लागि परराष्ट्र मन्त्री प्रदीप ज्ञवालीको संयोजकतत्वमा तीन सदस्यीय एक समिति गठन गरेको छ । नागरिक एप र डिजिटल फ्रेमवर्कबारे यसै साता भित्र वृहत पत्रकार सम्मेलन गर्ने पनि सरकारले निर्णय गरेको छ ।