पीपएम कप सेमिफाइनलः वाग्मतीविरुद्ध राजेशको अर्धशतक

काठमाडौं । त्रिभुवन आर्मी क्लबका राजेश पुलामी मगरले प्रधानमन्त्री कप एकदिवशीय राष्ट्रिय पुरुष क्रिकेट प्रतियोगिताको सेमिफाइनलमा वाग्मतीविरुद्ध अर्धशतक बनाएका छन् ।

त्रिवि क्रिकेट मैदानमा टस हारेर ब्याटिङको निम्तो पाएको आर्मीका लागि छैठौं नम्बरमा ब्याटिङ गर्न आएका राजेशले ७० बलमा ३ चौका र २ छक्कासहित ५० रन पूरा गरेका हुन् ।

टप अर्डर नचलेको आर्मीलाई सम्मानीत योगफलतर्फ डोर्‍याउन प्रयासरत राजेश र बिक्रम शोबले ८८ रनको साझेदारी गरिसकेका छन् । अहिले बिक्रम ३३ तथा राजेश ५२ रन बनाएर खेलिरहेका छन् भने आर्मीले ४४ ओभरको समाप्तीमा ६ विकेट गुमाएर १९४ रन बनाएको छ ।